伍家謙再遇「麻甩佬難題」向網民求救　朋友於外母家誤播AV呻吟聲

人人都想留好印象給外父外母，但世事難料，有誰會想到藍牙喇叭會出賣自己？伍家謙昨日(23日)在Facebook上向網民求救，希望大家幫忙拆解「麻甩佬的難題」──如在外母家不小心播放AV，應該點算？

伍家謙在Facebook分享，稱自己收到朋友在麻甩佬群組的一則求救，笑了最少半個鐘，還笑到打瀉水。問題如下：

我之前用電話睇完AV，之後就咁熄咗個電話，冇熄個browser……正話同老婆去外母屋企食飯…唔知點解會sync咗佢個廳個bluetooth喇叭……我一開電話…啲呻吟聲充斥晒成個廳。

可能上次係佢度睇完BB條片所以sync咗，點拆好..我老婆黑晒口面，餐飯而家好靜。我外父忍笑忍到面都紅晒。

伍家謙認為其實都無其他方法可以拆解，只想到可以「叫外父捱義氣幫手頂咗佢」，想以希望網民集思廣益救兄弟。

一眾醒目網民大方留言分享解決方法，最多人讚的是「打電話給最好的朋友，然後責罵朋友不要經常一些無聊影片，會影響別人」：

而家我同外家食緊飯，全部人都以為我睇咸片！

有網民建議將責任推給鄰居，都得到大量支持：

外父，都叫你set 好d security 嫁啦，又俾隔離屋link 左入黎啦，我一陣幫你搞搞佢啦。

即刻閂左佢扮冇野，輕輕地講句：又唔知邊個連左我個喇叭播埋d奇奇怪怪既野啦。上個禮拜就播鬼片，呢個禮拜播鹹濕片，下個禮拜唔知播咩呢可。

還有部份網民留下惡搞留言，笑言影片是家謙send出來的，推責任推至伍家謙身上：

啲群組真係好唔健康，係家謙send出嚟，我已經退出咗群組。

其他網民創意回答：

話係打機啲pop up ad。最憎啲pop up！ 仲要出呢啲教壞細路，賺錢賺到咁冇良心...

睇緊女子網球公開賽。

其實我係抱住學習嘅心態去睇「教學短片」

外父，頭先問我借部機話“睇啲野”，原來係睇呢啲嘢…